پروگرام کا نام: فضلِ ربی
قسط: قربانی سے بڑی عبادت کون سی ہے؟ (بائبل و قرآن)
حوالاجات: سورۃ البقرہ 269، سورۃ 22: 36-37، پیدائش 10:4، خروج 12، 1 سموئیل 10: 22، استثنا 13، استثنا 27-28، اعمال 10، یشوع 14: 8-9، گنتی 32: 11-12، 1 پطرس 2: 21-23، فلپیوں 8:2، متی 29:11

اس پروگرام میں بائبل اور قرآن کی روشنی میں اس سوال کا تفصیلی جائزہ لیا گیا ہے کہ قربانی سے بڑی عبادت کیا ہے۔ دونوں مقدس کتابیں اس بات کی وضاحت کرتی ہیں کہ حقیقی قربانی ظاہری اعمال میں نہیں، بلکہ دل کی خلوص، ایمان داری اور فرمانبرداری میں پوشیدہ ہے۔ قرآن کریم میں واضح طور پر بیان کیا گیا ہے کہ خدا تک نہ خون پہنچتا ہے اور نہ گوشت، بلکہ تقویٰ اور پرہیزگاری ہی خدا کے نزدیک قابلِ قبول ہے۔ پروگرام میں یہ بات اجاگر کی گئی ہے کہ حقیقی عبادت محبت، عاجزی اور اخلاص پر مبنی ہوتی ہے۔ ایک شخص اس وقت تک مومن نہیں ہو سکتا جب تک اس کا پڑوسی اس کی بد اخلاقی اور ایذا رسانی سے محفوظ نہ ہو۔ ایسی حالت میں، قربانی بھی قبول نہیں کی جاتی۔ اسی طرح، جو شخص وعدہ خلافی کرتا ہے یا امانتداری سے کام نہیں لیتا، وہ حقیقی مومن نہیں کہلایا جا سکتا، بلکہ وہ کافر یا منافق کہلانے کا مستحق ہے۔ مزید یہ کہ خدا کے نزدیک صرف خیرات یا قربانی نہیں پہنچتی بلکہ فرمانبرداری بھی اہمیت رکھتی ہے۔ حضرت مسیح نے اپنی زندگی کے ذریعے ہمیں فرمانبرداری کا کامل نمونہ عطا کیا ہے، جو ہر مومن کے لیے ایک مشعل راہ ہے۔